باب الطبخ ,,,,,,,,, " الفلافل"

" الفلافل" اكلة شعبية جدا ومشهورة جدا في الدول العربية وبالاخص في مصر تعتبر الافطار الاساسي لكل المستويات وهي لذيذة جدا مع الفول والجبنة والخيار ,,,, ويا سلام لو معاها بصل اخضر تبقي تحفة ,,,,, وبالهنا علي قلوبكم واليكم المقادير والطريقة ":::
المقادير:
ربع كيلو فول مدشوش
حزمة بقدونس صغيره
حزمة كزبرة خضرا كبيرة او حزمتين صغار
بصلة متوسطة
اربع فصوص ثوم
ملعقتين كبار ملح
ملعقتين كبار دقيق
3 ملاعق كبيرة كزبرة ناشفة لازم
رشة من كل من فلفل اسمر وشطة حمرا و كمون وقرفة وزنجبيل "حسب الرغبه" التوابل اللى تحبيها
ملعقة صغيرة بيكربونات الصودا لازم

التحضير:
ينقع الفول ليلة كاملة فى الماء وثانى يوم يصفى ويغسل جيدا
يوضع مع باقى المكونات بعد تقطيعها فى الكبة وتفرم جيدا
انا بقسمها بعد كدة لاكياس صغيرة واحطها فى الفريزر وكل مرة اضيف بيض لها وقليل من الكزبرة الناشفة واقليها واخرجها من الزيت علي ورق تنشيف ,, وتقدم ساخنة
وبالف هنا وعافية
فاطمة النجار

و ممكن كمان تضيفى كرات أخضر بيخليها جميلة و بدل الدقيق ممكن تضيفى عيش بلدى منقوع فى الماء يمنحها قوام جيد تقبلى تحياتى و يسلمو اديكى